Iengeland is êen van de 4 ounderdêeln van de stoat Verênigd Keunienkryk. D'ander stikkn zyn Nôord-Ierland, Schotland en Wales. Iengeland is dus gin land in de strikte betêkenisse van 't wôord (onafankelikkn stoat). D'r weunn mêer of 51 miljoen menschen.

De noame Iengeland wordt dikkers verkêerdelik gebruukt voe hêel Grôot-Brittannië of heel 't Verênigd Keunienkryk mei an te duudn.

Iengeland is vernoemd na d'Angeln (vergelykt mi de Fransche noame vor Iengeland: Angle-terre), êen van de Germoansche stammn die 't eiland ekoloniseerd en, ton da de Romeinn weg woarn. T'ope mi de Saksn, Juutn en Friezn kwaamn ze mi bôotn uut de gebiedn die nu overêenkomn mi 't nôordn van Duutsland, 't nôordn van Holland en 't westn van Denemarkn.

't Iengels is sedert 't begun van 'n 20sn êeuw de mêest verspreide toale ter weireld. Dat komt deur ol de gebiedn dan d'Iengelsn kustn koloniseern in 'n 19sn êeuw en deur 'n overmacht loater van Amerika.