Smolensk (Russisch: Смоленск) is e stad in 't west'n van Rusland, an de riviere d'n Dnjepr, vlakby de grenze mè Wit-Rusland. 't Is d'n administratievn hoofdstad van d'n oblast Smolensk.

De stad ligt in Europees Rusland ip 360 kilometer van Moskou. De noame komt van de riviere de Smolnya. De riviere d'n Dnjepr stroomt van ôost noa west en verdêelt de stad in e nôordelik en e zudelik dêel. De stad ligt ip zeevn heuvels. 't Center is 't oedste dêel van de stad.

Smolensk kent e vochtig continentoal klimoat. De zomers zyn fris en reegnachtig en de wienter deurt lange moar is nie styf koed.

• 👁 Zicht ip d' Hemelvoartkathedroale
  
• 👁 Zicht ip Smolensk (1912)
  
• 👁 D'n Dnjepr
  
• 👁 Stoasje van Smolensk