An Eslovakya o kundi man Slovakia (Slovak: Slovensko [ˈslɔʋɛnskɔ](👁 Image
pamati-a)), nga an opisyal nga ngaran Eslovaka nga Republika o kundi man Slovak nga Republika (Slovak: Slovenská republika, 👁 About this sound
pamati-a(bulig·info)),^[1] usá nga ginpapalibotan hin tuna nga nasod ha Butnga nga Europa^[2][3]. Ginsasapitán iní han Polonya ha amihan, han Ukranya ha sidlangan, han Hungarya ha salatan, han Austrya ha katundan, ngan han Republika Czeka ha kanawayan. An teritoryo han Slovakia naglalakip hin mga 49,000 square kilometres (19,000sqmi) ngan an kasagaran hini kabugkiran. An kamolupyohan hini 5.6 ka milyon ngan an kadam-an hiní mga Slovak. An pamunuan ngan gidako-i nga syudad hiní an syudad han Bratislava, ngan an ikaduhá nga gidako-i nga syudad an Košice. Slovak an opisyal nga pinulongan.

An syahan nga pagsurat han ngaran nga Slovakia dida han 1586 (Inaleman: In Liptau, bei der Stadt Sankt Nikolaus in der Slovakia).^[4] Natíkang iní tikang han Tseko nga pulong Slováky; an mga kasanhi nga mga porma ha Inaleman Windischen landen ngan Windenland (an ika-15 nga gatostuig).^[4] An tuminongnong nga ngaran Slovensko (1791) nátíkang han durudaan nga ngaran han mga Slovak nga Sloven an patudlok han pagtikang hiní ugsa han ika-15 nga gatostuig.^[4] An orihinal nga kahulogan kanan heyograpiya (diri politika), kay an Eslovakya kabahin han multiethniko nga Ginhadi-an han Hungarya^{[note 1]} ngan waray iní maghimo hin bulag nga unit hin pagdumara hiní nga panahón.

👁 Image

1. Bratislavský kraj (Bratislava (rehiyon)) (ulohan Bratislava)
2. Trnavský kraj (Trnava (rehiyon)) (ulohan Trnava)
3. Trenčiansky kraj (Trenčín (rehiyon)) (ulohan Trenčín)
4. Nitriansky kraj (Nitra (rehiyon)) (ulohan Nitra)
5. Žilinský kraj (Žilina (rehiyon)) (ulohan Žilina)
6. Banskobystrický kraj (Banská Bystrica (rehiyon)) (ulohan Banská Bystrica)
7. Prešovský kraj (Prešov (rehiyon)) (ulohan Prešov)
8. Košický kraj (Košice (rehiyon)) (ulohan Košice)

• The Slovak Republic Government Office