Voozh

Egginge (amtlig Eggingen) isch e Gmeind im Landchreis Waldshüet z Bade-Württeberg. Si ghört de verybarte Verwaltigsgmeinschaft mit de Gmeind Wüetöschinge a.

Geografischi Lag

[ändere | Quälltäxt bearbeite]

Egginge litt im Wüetachdal un erstreckt sich uff re Flächi vo 1'397 Hektare uff 417 bis 643 Meter über NHN. S bstoht uss de ehemolige Gmeinde Ober- und Underegginge, wo 1971 zum hüttige Egginge vereint worre sin.
De Süde vo de Gmeind gränzt an d Schwiz; uff Zürri fahrt mer ca. 30 Minute.^[2]

Ühlige-Birkedorf	Stühlige
👁 Image	Hallau SH
Wüetöschinge

Gschicht

[ändere | Quälltäxt bearbeite]

In de Römerzit isch durch s hüttige Egginge e Handelsstroß verloffe; sällewäg isch - noch de römische Sydlig, wo durch Fünd belegt isch - di keltisch-alemannischi Sydlig entstande. Si isch 888 als Erchinga zum erschte Mol urkundlig erwähnt worre und sällemols Eigetum vom Graf Adelbert II. gsi. Witeri Erwähnige sin:

1056 als "Ekkingen"
1339 als "Eggingen"
1349 als "Obern Eggingen" und "Niedern Eggingen"

Wôrend d Bezeichnig "Obereggingè" sich durrègsetzt hèt un bis hüt (Stand: 2014) vowendet wörd, isch uss "Nydereggingè" "Untereggingè" worrè. Plündert und beschädigt worre isch s Dorf durch de Schwizerchrieg, de Burechrieg und de Drißigjöhrig Chrieg. No-n-emol e Zerstörig hät im Mai 1854 durch e Brand stattgfunde, genauso durch de Erscht und Zweit Wältchrieg. 1875 isch e Ysebahnlinie baut worre. 1974 isch d Gmeind im Zug vo de Gmeindereform uss Ober- und Untereggingè zämmegsetzt worre. Diè ab 1975 neu formyrti Gmeind Eggingè bildet è Vowaltigsgmeinschaft mit dè Gmeind Öschingè un isch somit de facto trotz dè bescheidenè Größi vom Dorf selbschtändig blibbè.^[3]

Wahle

[ändere | Quälltäxt bearbeite]

Ergebnis vo dr Landdagswahle sit 2006:^[4]

Johr	CDU	SPD	FDP	Griene	Linke¹	AfD	Sonschtige
2016	37,4%	7%	7,4%	32,2%	2,4%	10,5%	3%
2011	48,8%	17,7%	4,9%	21,2%	1,8%	5,6%
2006	53%	21,1%	9,1%	7%	2,1%	7,7%

¹ 2006: WASG, sit 2011: Die Linke

👁 Image

Egginge

Wappe

[ändere | Quälltäxt bearbeite]

S Wappe isch vertikal zweideilt. Links zeigt's e Fluss (d Wuètè uff wißem Grund, rächts e goldige Bär uff rotem). De link Deil chunnt vom Underegginger Wappe, de rächt vom Obereggener. Uff em Undereggener Wappe isch näbe de Wüetach au e Bündel Getreide, wo uff d Agrarwirtschaft hywyse soll. De Bär chunnt vom Chloster St. Galle.^[5]

D Wappe vo de beide ehemolige Gmeinde:

👁 Oberegginge
Oberegginge
👁 Underegginge
Underegginge

Wirtschaft und Infrastruktur

[ändere | Quälltäxt bearbeite]

Wirtschaft

[ändere | Quälltäxt bearbeite]

D Wirtschaft konzentriere sich um s Ortszäntrum, so z. B. d Sparkasse, s Roothus, d Schüel, d Bost, de Chindergarte etc. S handelt sich dodeby vor allem um chleineri Betrieb.^[6]

Infrastruktur

[ändere | Quälltäxt bearbeite]

Egginge litt an de B314, wo d Hochrhyaudobahn A98 mit em Audobahnchrüz (Hohetwiel) A81 verbindet.

Durch de Ortsdeil Underegginge verlauft di bekannti Wuètèdalbaan, wo's im Momänt aber numme Züebringerverchehr (dè sog. Wizè-Pendel) züe de Museumsbahn uff Wizè git.