Ittige (amtlech Ittigen) isch e Ywonergmeind im Verwautigschreis Bärn-Mittuland im Kanton Bärn, Schwyz. Bis zum 31. Dezämber 2009 het d Gmeind zum Bezirk Bärn ghört.

Ittige ligt im untere Worbletau uf ere Terrasse am Mannebärg ir Agglomeration Bärn. D Gmeindsflächi bsteit us 26,4% langwirtschaftlecher Flächi, 13,3% Waud, 58,9% Sidligsflächi u 1,4% süschtigi Flächi.^[2] D Nachburgmeinde si Moosseedorf, Bärn, Bouige, Oschtermundige u Zollikofe.

Ittige isch zum erschte Mal gnennt worde im Jahr 1318 aus Yttingen, 1326 villa de Ittigen. Bis 1983 het d Gmeind zue Bouige ghört.

Quäuue: Bundesamt für Statistik 2005^[3]

Dr Uusländeraateil isch 2010 bi 19,6% gläge.^[2]

57,9% vo de Ywohner si evangelisch-reformiert, 20,7% si römisch-katholisch (Stang 2000).^[2]

Bi de Nationauraatswahle 2011 het s das Ergebnis ggää:^[2] BDP 15,2%, CVP 3,2%, EVP 4,6%, FDP 14,6%. GLP 5,1%, GP 9,6%, SP 19,1%, SVP 22,7%, Suschtigi 5,9%.

Gmeindspresidänt vo Ittige isch dr Beat Giauque (Stang 2013).

D Arbetslosigkeit isch im Jahr 2011 bi 2,6% gläge.^[2]

Di unmittubari Nöchi zu Bärn isch dr Grund, dasses z Ittige weder es Chino, es Theater oder sogar es Stadion git. Mit em RBS - Bähnli isch innerhaub vo füf bis zäh Minute zBärnu z nöie Stade de Suisse (für Ittiger no immer z Wankdorf) erreicht mä mit em 40er Bös (vor Papiermühli us) i numme füf Minute, es ligt numme es paar hundert Meter vor Ittiger Gmeindsgränze äwäg.

• Näbemne chline Teu vor Waudau isch o di Psychiatrischi Astaut für Jugendlichi z Ittige. Es het o fasch meh Gebäude vo Bundesämter aus äue ir Stadt Bärn säuber. Sit em Summer isch nöi o z «Haus des Sportes» z Ittige. Das heisst, es git itze ä nöi Attraktion, nämlech dr «Walk of Fame» vo schwyzer Sportler, wo vom RBS-Bahnhöfli Ittige quer dürs Ichoufszäntrum «Tauguet» bis äbe zu däm «Haus des Sportes«füehrt.

• Ittiger Hahnewasser chunnt usem Ämmitau u isch wägedäm bsunders früsch u gsund, besser aus jedes koufte Wässerli. Ds Reservar isch obe im Mannebärgwaud.

• Di reformierti Chiuchegmeind und di katholischi Chiuchegmeind (ghört zur Pfarrei «Peter und Paul») läbe zäme unger eim Dach, im sogenannte KZI (Kirchlechs Zäntrum Ittige) grad bim Oberstuefezäntrum (OSZ) u dr Primarschueu Rain. Zäme mit em Tauguet, dr Gmeinsverwautig u de Turnhauene chönnt me das aus ds Zäntrum vo Ittige aluge.

Bir Vouchszeuuig 2000 hei vo de 10'991 Ywohner 86,2% Dütsch aus Houptsprach aaggää, 2,5% Französisch u 2,6% Italienisch.^[2]

Dr bärntütsch Dialäkt vo Ittige ghört zum Hochalemannisch.

• Dobrusch, Wysrussland (1990–2020)

• 👁 Burehus
  
  Burehus
• 👁 Stufebau
  
  Stufebau
• 👁 Schueuhus
  
  Schueuhus

• Anne-Marie Dubler:Ittige.. In: Historisches Lexikon vo dr Schwiiz.
• Hans Gugger: Ittigen, eine junge Gemeinde mit alter Geschichte. Gemeinde Ittigen 1998, ISBN 3-7272-9277-6.
• Esther Maria Jungo und Hans Peter von Ah: Der Hauptsitz der Swisscom in Worblaufen bei Bern (= Schweizerische Kunstführer GSK. Band 660). Bern 1999, ISBN 3-85782-660-6.

• Offizielli Website

1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
2. 1 2 3 4 5 6 Bundesamt für Statistik: Regionalporträts 2012: Kennzahlen aller Gemeinden(Site cha nüme abgrüeft wärde; Suche im Webarchiv)Vorlage:Toter Link/www.bfs.admin.ch, Mai 2012
3. ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch(Site cha nüme abgrüeft wärde; Suche im Webarchiv)Vorlage:Toter Link/www.bfs.admin.ch, Date im Aahang(Site cha nüme abgrüeft wärde; Suche im Webarchiv)Vorlage:Toter Link/www.bfs.admin.ch)