Iste articlo ye sobre un estau d'os Estaus Unius: ta atros usos, se veiga Alaska (desambigación).

Alaska ye uno d'os 50 estaus d'Estaus Unius, situau a o nord-ueste d'o continent americano, en a suya estrimera norte. Ye, chunto con Hawaii, uno d'os estaus que se troban deseparatos d'a resta, en iste caso por Canadá. Muga a o norte con l'Oceano Arctico, a l'ueste con o golfo d'Alaska de l'Oceano Pacifico y a l'este con Canadá. A l'ueste, o estreito de Bering la desepara de Rusia. Yera una colonia de l'Imperio Ruso dica que os rusos lo 18 d'octubre de 1867 la vendioron a los estaunitenses, pero no estió dica lo 3 de chinero de 1959 que esdevenió un estau estatounitense.

Con una superficie d'1.717.854 km², ye o estau mas gran d'Estaus Unius, encara que nomás teneba 626.932 habitants en l'anyo 2000 y con una densidat de población de solament 0,42 hab/km². A suya capital ye Juneau, encara que a ciudat con mayor numero d'habitants ye Anchorage.

Lo territoria de l'actual Alaska estió una colonia de l'Imperio Ruso dica estió vendida lo 18 d'octubre de 1867 a Estaus Unitos, pero no estió dica lo 3 de chinero de 1959 que estió aceptada como lo 49^eno estau en dentrar a fer parte d'os Estaus Unius.

Los esportes mas practicaus son los esportes d'hibierno, y i hai una gran tradición a las cursas de trineos tiraus per cans, conoixiu como mushing, estando lo esporte mas popular, con muitos eventos, torneos y competicions a lo largo d'o estau.

Los esquimales y indichenas conservan chuegos tradicionals basaus en tecnicas ancestrals de caza y supervivencia y fan competicions y demostracions en os World Eskimo Indian Olympics.

Alaska no tien garra equipo profesional chugando en as grans ligas.

• 👁 Colabora en Commons
  Se veigan as imáchens de Commons sobre Alaska.
• (en) Pachina web oficial d'o estau d'Alaska.