A Republica d'as Islas Fichi ye un estau que se troba situau a l'este de Vanuatu, a l'ueste de Tonga y a lo sud de Tuvalu, en l'oceano Pacifico. Forma parte d'a Melanesia, en Oceanía. Bi ha una numerosa población aloctona d'os suyos tiempos de colonia britanica, habendo conseguiu la suya independencia d'o Reino Uniu lo 10 d'octubre de 1970. A suya capital ye la ciudat de Suva, que ye amás a mayor ciudat d'o país por o suyo numero d'habitants.

A suya población ye de 893.354 habitants en una superficie de 18.270km², con una densidat de población de 47hab/km².

O rugby ye l'esporte d'equipo mas popular en Fichi. A suya selección nacional ye un equipo que internacionalment tien un buen nivel, habendo partecipau seis vegadas en a Rugby World Cup. Cal parar cuenta de que con una población de nomás que 900.000 habitants bi ha mas de 80.000 chugadors con licencia federativa.

• (en) Pachina web oficial d'estadisticas de Fichi.