👁 Image
Ista fuella ye escrita en tensino.

Lanuza ye un lugar aragonés d'a provincia de Uesca situato en o municipio de Sallent de Galligo en a comarca de l'Alto Galligo.

Lanuza ye conoixita en todo Aragón por estar a cuna de nueu chusticias d'Aragón, entre ellos uno d'os mas importants, Chuan V de Lanuza.

Hue lo día Lanuza ye un lugar meyo-amortato, pero en 1488 heba 20 fogars y en 1863 39 casas. O 21 de chinero de 1978 os zaguers 141 habitants d'o lugar se'n fueron debito a que o entibo ya embadinaba as tierras y as casas mas baixas.

Hue dezaga de quedar amortata por a construcción de l'entibo que leva o suyo nombre, ha estato apanyato y cuantas famillas ocupan de nuevo as suyas carreras.

Posata a 1.284 metros d'altaria en o canto zurdo d'o río Galligo, a 91 km de distancia de Uesca, a capital d'a suya provincia.

Lanuza amaneixe documentata por primera vegata en o sieglo XIII.

• Ilesia d'o Salvador de Lanuza, una ilesia adedicada a lo Salvador, constriyida en lo sieglo XIX, anque conserva un crismón romanico en a suya frontera asina como encara conserva bels repuis d'a suya magnifica arquitectura popular de montanya a pesar d'haber estato de raso restaurata, puertas, finestras, fuents, etcetra... muestran encara la polideza d'iste lugar que estió solar d'a casa de Lanuza. Ye la ilesia parroquial d'o lugar.^[1]

Encara se celebra en Lanuza o Festival Pireneus Sud toz os anyos en o mes de chulio sobre un escenario dencima d'as auguas de l'entibo dende 1992.

• Festival Pireneus Sud.