Iste articlo ye sobre o departamento francés de Marne. Se veiga río Marne ta o río d'o mesmo nombre.

Marne ye un departamento d'o nord-ueste de Francia, que prene o suyo nombre d'o río Marne, que tien una compleganza que incluye o territorio d'o departamento. Fa parte d'a rechión de Gran Este.

A suya población ye de 565.229 habitants (1999) en una superficie de 8.162 km², con una densidat de población de 69 hab/km².

Fan parte d'o departamento 5 districtos, dividitos en 44 cantons y 619 comunas. A capital u préfecture de Marne ye Exalons (d'antis mas dita Châlons-sur-Marne). As capitals de districto u sous-préfectures son Épernay, Rems, Sainte-Menehould, y Vitry-le-François. O president d'o Consello Cheneral de Marne ye René-Paul Savary, d'a Union pour un Mouvement Populaire.

Marne estió o escenario de dos batallas. A primera batalla estió o punto d'inflexión d'a Primera Guerra Mundial, en 1914. A segunda batalla se desembolicó cuatre anyos dimpués, en 1918. Antiparte, en a localidat d'Exalons bi habió tamién dos batallas, a batalla d'os Campos Catalaunicos en 274 y amás conoixita batalla d'os Campos Catalaunicos en 451.

• Rems: Seu de Rems, una seu d'o sieglo XIII en estilo gotico, Patrimonio d'a Humanidat.
• Rems: Palacio de Tau, d'o sieglo XVI, Patrimonio d'a Humanidat.
• Rems: Basilica de Saint-Remi, d'os sieglos XI-XV, en estilos romanico y gotico, Patrimonio d'a Humanidat.
• Exalons: Seu d'Exalons, d'os sieglos XI-XVI, en estilos romanico y gotico.
• Exalons: Museu d'o claustro de Notre-Dame-en-Vaux, un museu d'arte medieval.

• (fr) Pachina web oficial d'o Departamento de Marne.