Mirambel ye una villa y municipio aragonés d'a provincia de Teruel, situau en a comarca d'o Mayestrato y partiu chudicial d'Alcanyiz.

A suya población ye de 125 habitants (2010) en una superficie de 45,42 km², con una densidat de población de 2,75 hab/km².

Ye situau a lo piet de la Muela de Monchén, chunto a lo río Cantaviella, a 993 metros d'altaria dencima d'o livel d'a mar, a una distancia de 113 km d'a ciudat de Teruel, a capital d'a suya provincia.

En o sieglo XV perteneixeba a la Castellanía d'Amposta.^[1]

En as Guerras carlistas yera muit important porque i viviban altos cargos carlistas y i yeran centros oficials como la Suprema de Aragón, Valencia y Murcia, nombrada por don Carlos María Isidro de Borbón. Pío Baroja ambientó en este lugar a obra suya La venta de Mirambel.

Ye una d'as zonas d'o Mayestrato con mas riqueza monumental.

O casco urbán conserva la suya ciudadela medieval, con murallas que empecipioron a construir os templers y continoron costruindo los hespitalers.

A lo piet d'a torre d'o portal d'as Monchas se troba la plaza de Madre Consuelo, una relichiosa y mayestra. Destacan as chelosías d'o convento con una religada roseta, un simbolo pagano solar protector relacionau con a cardincha pirenenca.

• 14 a lo 18 d'agosto, Sant Roque y Nuestra Sinyora de l'Asumpción.

• 👁 Colabora en Commons
  Se veigan as imáchens de Commons sobre Mirambel.