Sin ye un lugar d'el municipio de Tella-Sin, uno d'es tres lugars que formoron l'antiguo municipio de la Comuna, en chunto con Serveto y Señes, en la val de la Comuna. Actualment tiene 50 habitants.

Sin yera l'antigua cabecera de la val de la Comuna, que teneba en este lugar l'achuntamiento suyo y tamién el puesto ta a on que s'achuntaba el concello de valle ta prener las decisions cuan caleba. El municipio de Sin deixó d'esistir en el anyo 1963, y alavez s'achuntón de menesters con l'achuntamiento de Tella, dando el municipio de Tella-Sin que ye hoi, con la cabeza en L'Enfortunada.

Las casas de Sin se troban debaixo d'el Tozal de Pegueras (2045 m), con una fuent dita La Comuna en el puesto mas recuesto d'el lugar. Posiblement ixa fuent ye l'orichen de primeras d'el nombre de las faixas que hi hai per alto de Sin, y dimpués el que fayón cheneral ta toda la valle.

l'Amparau "Caixigar de Sin" yera una selva fecha de tot d'estes árbols que fue la fuent de riqueza de Sin mientres a rienda sieglos, como demuestra que i haiga un molín sarrero (restaurato en fa poquet) en el lugar.

Sin tiene en a plaza suya un cuatrefuellas dibuixau de mosaico de penyas en el suelo, que s'ha reproduciu en belas publicacions sobre la luenga aragonesa. Tamién i son destacables cualques casas d'el lugar, como Casa Torrero, d'el siglo XVI y fortificada, u Casa Puchet con una torriella defensora a'l canto. La ilesia ye consagrada a Sant Esteban y data d'el sieglo XVI, con una estructura bien robusta y una portalada suportalada con escaleras perque ye mas per alto que no la plaza, tiene una momia d'el siglo XVII adintro, que popularment en dicen "Tiburcio" en el lugar.

• 👁 Colabora en Commons
  Se veigan as imáchens de Commons sobre Sin.
• (an) Estadisticas d'el lugar de Sin en el portal AragonEsAsi.com
• (es) Localidaz d'el municipio de Tella-Sin en CaiAragon.com
• (es) Información d'el lugar en LosPirineos.info