Taust (Tauste en castellano y oficialment) ye una villa y municipio aragonés d'a provincia de Zaragoza situato en a comarca de Cinco Villas (ye una d'as cinco villas que dan nombre a la comarca).

A suya población ye de 7.489 habitants en una superficie de 404 km² y una densidat de población de 18,54 hab/km².

A localidat de Taust ye situata a 404 metros d'altaria sobre o livel d'a mar, a una distancia de 42 km d'a ciudat de Zaragoza, a capital d'Aragón. Se troba situata a o canto d'o río Arba.

O castellano de Taust tien muitos aragonesismos, que fuoron estudiatos en 1985 por o taustano Chusé Inazio Nabarro.

Encara s'alza muita microtoponimia aragonesa: Val de Taust (que da nombre a lo chacimiento de Val de Taust), Val de Perané, Turrullón; destacando a fosilización de l'articlo lo: Lo paco la fuent.

Estió conquerida a os musulmans en 1105 por Alifonso I d'Aragón.^[1] Manimenos, en 1110, estió conquerida de nuevas por os musulmans. Finalment en 1121 ye incorporada a lo Reino d'Aragón. En 1706 estió asediada y presa por as tropas d'o Conte de Sastago que yera fidel a l'archiduque Carlos entre a Guerra de Succesión Espanyola.

• O fútbol ye representato por o Club Deportivo Tauste.

• Categoría:Naixius de Taust

• Ilesia de Santa María.
• Ermita de Sant Antón.
• Monesterio de Sant Chorche.
• Ermita de Sant Chusé.
• Ermita d'a Virchen d'o Pilar.
• Ermita de Sant Bertolomeu.
• Santuario de Sancho Abarca.
• Casa d'a Camara.

• 20 d'abril, fiestas d'a Virchen de Sancho Abarca.
• 20 de setiembre, fiestas menors.

• Lista de municipios de Zaragoza.
• Casa de ganaderos de Taust.
• Canal de Taust.

• 👁 Colabora en Commons
  Se veigan as imáchens de Commons sobre Taust.
• (es) Pachina web oficial municipal de Taust.