Prago 1, aŭ pli formale la 1-a urbodistrikto de Prago, konsistigas la kernon de la urbocentro de Prago. Ĝi situas meze de la urba teritorio, ambaŭflanke de la rivero Vultavo. Parto de ĝi estas interalie la Malnova Urbo (Prago) kun la Malnovurba Placo (Prago), al kiu ankaŭ apartenas la Malnovurba Urbodomo kaj la Preĝejo de Virgulino Maria antaŭ Týn, sed oriente de la Vultavo ankaŭ granda parto de la Nova Urbo (Prago) apartenas al la distrikto Prago 1 - inter alie la Slava insulo kun la novrenecanca palaco Žofín ĉe la orienta bordo de la rivero, kie okazis la UK 1921. Laŭ la stato de 2021 en la urbodistrikto vivis 22 967 loĝantoj sur areo de 5,53 kvadrataj kilometroj, kio rezultigas loĝdenson de 4 153 loĝantoj/km². La teritorio havas komunan limon en horloĝa direkto kun Prago 7 norde, Prago 8 nordoriente, Prago 2 oriente kaj sude, Prago 5 sude, Prago 6 sude okcidente kaj nordokcidente.

Urba parto Prago 1 estas unuo de loka administrado de la teritorie membrigita statuta urbo Prago, kiu estas dministrata de balotata reprezentantaro, konsilantaro kaj ofico de la urba parto.

Administra distrikto Prago 1 estas teritorio, en kiu plenumas la urba parto Prago 1 (unuo de teritoria mem-administrado) certan amplekson en transprenita efiko.

Distrikto Prago 1 estas unuo de la teritoria membrigo de ŝtato en simila nivelo kiel distrikto.

Internacian ĝemelecon la urbodistrikto interalie havas kun

• 👁 Kartvelio
  Batumi (ბათუმი), Kartvelio (2013–)
• 👁 Italio
  Trento, Italio (2002–)
• 👁 Hungario
  Vár, Hungario (2000–)
• 👁 Ĉeĥio
  Zlaté Hory (Zuckmantel), Ĉeĥio

• 👁 Image
  Oficiala retejo (ĉeĥe)
• turisma portalo (angle)
• 👁 Image
  Oficiala retejo de la tuta urbo Prago (ĉeĥe kaj angle)