👁 Image
Dizze side giet oer gemeente Dimter. Foar de stêd en haadplak fan de gemeente, sjoch: Dimter.

Dimter (Nederlânsk: Deventer) is in gemeente yn de Nederlânske provinsje Oerisel mei 103.485 ynwenners (1 jannewaris2024, boarne: CBS) op in oerflak fan 134,33km². Dimter is nei Ynskedee en Swol de tredgrutte gemeente neffens ynwennertal yn Oerisel.

Op 1 jannewaris 2005 fusearre de doetiidske gemeente Dimter mei de gemeente Bathmen. Sûnt 2001 foarmet Dimter mank mei de Gelderske gemeenten Apeldoarn, Brummen, Epe, Lochem, Sutfen en Voorst it gearwurkingsferbân Stêdetrijehoeke of Cleantech-regio. Dat regionale gearwurkingsferbân hat as doel yn 2030 enerzjyneutraal te wêzen en ûntwikkelet meiïnoar oparbeidzjend belied op fysyk (romtlike oardering, wenjen, ferkear ensfth), ekonomysk en sosjaal mêd.

De gemeente Dimter hat in oerflak fan 134,37 km² en hat as haadplak de stêd Dimter, dy't likernôch 82.000 inwoners hat. Oare grutte kearnen yn de gemeente binne Bathmen (liekrnôch 5.500 ynwenners), Diepenveen (likernôch 4.800 ynwenners) en Schalkhaar (likernôch 6.000 ynwenners). De gemeente grinzget yn it noardwesten oan de gemeente Olst-Wijhe, yn it noardeasten oan Raalte, yn it easten oan Rijssen-Holten, yn it suden oan Lochem (Gelderlân) en yn it westen oan Voorst (Gelderlân).