Los Angeles Times (tamén coñecido como LA Times) é un xornal de circulación diaria publicado nosÁnxeles, e distribuído nos estados occidentais dosEstados Unidos, propiedade de Tribune Company. Cunha circulación de 843.432 lectores por día a setembro de 2005, é o segundo xornal metropolitano meirande nos Estados Unidos despois de The New York Times.

Ao longo da súa historia gañou 37 premios Pulitzer, e segundo o Almanaque Mundial de 2007, é o terceiro xornal máis lido dos que se publican nosEstados Unidos.

A primeira edición do Times produciuse o 4 de decembro de 1881, aínda que pronto entrou en bancarrota. En 1884 o seu fundador creou o Times-Mirror Company, compañía que editaría o xornal a partir dese momento.

O 1 de outubro de 1910, e tras frecuentes enfrontamentos cos sindicalistas, unha bomba estalou na sede do xornal, causando 21 falecidos. Os coñecidos sindicalistas, os irmáns McNamara, foron parte dos acusados do atentado. Ópouco tempo, o xornal xa tiña unha nova sede situado nas rúas Primeira e Spring no centro dos Ánxeles dende 1935. A planta imprimidora atopábase nas rúas Oitava e Alameda.

A familia Chandler foron os donos do diario até o ano 2000, daquela a empresa xornalista Tribune Publishing, compañía matriz do diario Chicago Tribune comprou o diario. O 7 de febreiro do ano 2018, Os Angeles Times, xunto co diario metropolitano San Diego Union-Tribune foron vendidos por ó multi-millonario Dr. Patrick Soon-Shiong, nado en Suráfrica de ascendencia chinesa, por $500 millóns de dólares (USD) pola acquicisión de ambos os diarios e semanarios comunitarios.