In le religion del Grecia antique, le Musas (greco antique: Μοῦσαι) esse deas inspirational del litteratura, scientia e artes. Illas esseva considerate sicut le fonte del cognoscentia e le personification del poesia, lyrica, cantiones, e del mythos que esseva contate oralmente in le cultura grec antique.

Le numero del musas variava ab region a region, sed in le periodo classic illo standardisava·se a novem, e lor nomines esseva generalmente Calliope, Clio, Polyhymnia, Euterpe, Terpsichore, Erato, Melpomene, Thalia, e Urania.

In le linguage metaphoric de hodie, un musa esse un persona vel fortia natural qui deveni un inspiration artistic pro qualicuno.