Portoferraio (etiam orthographiate Porto Ferrario, e supernominate Cosmopole) es un municipalitate que se trova sur le insula Ilva, in le provincia de Livorno, region Toscana, Italia. Illo ha un population de 11 797 habitantes.

In le dialecto ilvan on se refere al urbe como Ferraje, dum in italiano e officialmente le nomine del urbe es Portoferraio. Ambe versiones veni del latino classic: Portūs Ferrārius «porto ferrose» a causa del longe e antique historia siderurgic del insula, que lo rendeva un capital mediterranee del commercio de ferro per millennios. Durante le Renascentia le senior local Cosimo I de Toscana restaurava le burgo e creava un nove citadella fortificate vocate Cosmpole (italiano: Cosmopoli), nomine que ha perdurate in le uso anque pro indicar tote le urbe, etiam pro su cosmopolitanitate como porto secur del Mediterraneo ante le Granducato de Toscana.