Sarajevo es li capital de Bosnia e Herzegovina. It apartene al Federation Bosnia e Herzegovina e es anc li cité capital del Canton Sarajevo. It es situat in li centre del land in li planura de Sarajevo. Tra li cité flue li fluvie Miljacka.

Li cité have 304.065 habitantes e es li politica, economic e cultural centre de Bosnia e Herzegovina.

Sarajevo es situat in li Dinarian Montania e circumeat de montes. Li fonte del fluvie Bosna es in li proximitá de Sarajevo.

Li cité Sarajevo consiste ex quar municipies:

• Sarajevo-Centar 59.238
• Sarajevo-Novi Grad 124.471
• Novo Sarajevo 68.802
• Sarajevo-Stari Grad 38.911

Li borgomastro de Sarajevo es Benjamina Karić (Socialdemocratic Partise de Bosnia e Herzegovina).

Sarajevo esset mentionat por li unesim vez in historic documentes in li annus 1238/1239.

In li fine del 15-im secul li guvernator del sultan Otoman Imperie havet su sede in Sarajevo. E li castelle del otoman guvernator havet li nómine sarây e to es orígne del nómine Sarajevo por li tot cité.

Sarajevo esset li cité capital del otoman Provincia Bosnia e it esset li centre del austrian-hungarian administration desde 1878.

It devenit famosi per li Atentate de Sarajevo in li annu 1914, quel esset li comense del Unesim Guerre Mundal.

Desde 1992 Sarajevo es li cité capital del índependent state Bosnia e Herzegovina. In li Guerre intern de Bosnia e Herzegovina Sarajevo esset cernat del armé de Republica Srpska.

In li annu 1984 evenit li Olimpic Ludes de hiverne in Sarajevo. Sarajevo es li hem de du del max bon football-clubes de Bosnia e Herzegovina: FK Sarajevo e FK Željezničar Sarajevo. Anc li basketballe-club KK Bosna Sarajevo e li handball-club RK Bosna Sarajevo es national e international successosi.