Cambridgeshire (en abreujat Cambs.) es un comtat de l'èst d'Anglatèrra, limitròf de Lincolnshire al nòrd, de Norfolk al nòrd-est, de Suffolk a l'èst, d'Essex e de Hertfordshire al sud, e de Bedfordshire e Northamptonshire a l'oèst. La vila de Cambridge n'es lo capluòc. Après la restructuracion del Local Government Act en 1972, lo Cambridgeshire modèrne se formèt en 1974 per la fusion de dos comtats administratius: Cambridgeshire e l'illa d'Ely, comprenent lo comtat istoric de Cambridgeshire (i comprés l'illa d'Ely); e Huntingdon e Peterborough, comprenent la comtat istoric de Huntingdonshire e Soke de Peterborough, fasent istoricament partit de Northamptonshire. Cambridgeshire engloba la màger part de la region conegusa jol nom de Silicon Fen.