Gap^[1] (Gap en francés) es una vila d'Occitània, dins los Aups e dins la region istorica dau Daufinat. Es la vila principala dels Aups Occitans e pereu dau parçan de Gapencés. Es lo chapluec dau departament dels Auts Aups, dins la region administrativa de Provença-Aups-Còsta d'Azur. Aviá una populacion de 40656 estatjants en 2022. La vila es situaa a la crosaa d'un ais nòrd-sud reliant Grenòble a Sisteron e d'un ais èst-oèst reliant la vau de Ròse a Briançon.

Gap es situaa dins una region montanhosa feblament poblaa. Ocupa una vau, le selhon de Gap, modelaa per lo glacier de Durença durant la darrèira glaciacion. Lo còr urban es situat a una altitud de pus de 700 mètres mas òm tròba sus son territòri de somalhs de prèp de 2 000 mètres (montanha de Charança, pic de Gleisa) o los despassan (Ras de Bec a 2 385 m). La vila beneficia d'un clima mediterranèu sos influéncia montanhòla caracterizat per un solelhament important e d'ivèrns freds.

Pauc concernit per la revolucion industriala dau sègle XIX malgrat l'arribaa dau chamin de fèrre en 1875, la comuna es restaa relativament rurala entrò las annaas 1950. Coneguèc alara una fòrta auça demografica que resultava de son ròtle de pòl comerciau e de servicis dau departament. La creissença de sa populacion se perseguís a un ritme pus moderat au debut de las annaas 2020. Relativament isolaa sus lo plan geografic, Gap desvolopèc una economia d'autosubsistància que repausa sus los sectors public e terciari.

Lo gentilici es gapian, gapiana.

• Los Rapaces de Gap, equipa de òquei sus glac de la vila, qu'entrentient una rivalitat granda amb l'equipa de Briançon.

• 👁 Portal dau Daufinat
  Portal dau Daufinat

• 👁 Portal d'Occitània
  Portal d'Occitània