Tarerac (Tarerach en francés) es una comuna occitana catalanizada de la comarca de Conflent en Catalonha del Nòrd, situada administrativament dins lo departament dels Pirenèus Orientals e la region d'Occitània.

Segon l'enquesta lingüistica de Fritz Krüger al segle XIX a Tarerac, los vielhs parlavan occitan e los joves, catalan.^[1] L'atlas lingüistic de Sacaze lo fasiá de lenga occitana amb, ça que la, la vocala neutra. Quand se faguèt l'enquesta de l'ALPO, s'i trobèt pas mai de parlaoccitans: la catalanizacion èra complèta.

Joan Coromines^[2] explica que Tarerac es un toponim clarament occitan, a partir d'una basa dins un possible antroponim amb l'etimon Taras-, Teras- o Teres- (amb unas alternàncias vocalicas que se fixèron pas abans la fin de l'Edat Mejana), derivats de ter, amb lo sufix -acium. Significariá las tèrras de qualqu'un dich Tares, o Teres...

1. ↑ Fritz Krüger,"Sprachgeographische: Untersuchungen in Languedoc und Roussillon", Revue de dialectologie romane III (1911) pp. 144-183 e pp. 287-338, IV (1912) pp. 1-15 e V (1913) pp. 1-88.
2. ↑ Joan Coromines, "Tarerac" in Onomasticon Cataloniae: Els noms de lloc i noms de persona de totes les terres de llengua catalana, Barcelona: Curial Edicions Catalanes i la Caixa, 1997, ISBN 84-7256-854-7

• 👁 Portal de Catalonha
  Portal de Catalonha