Përshkrim

LOJTËS VIDEOSH PËR WORDPRESS, PA REKLAMA, QË MUND TA PËRSHTATNI

Me një skemë grafike që të përthith, VideoPress-i është ideal për videografë, krijues, autorë filmash, edukatorë dhe blogues që kërkojnë të ngarkojnë me lehtësi video cilësie të lartë.

Ngritur për WordPress

Përfitoni nga integrimi i plotë me shtojcën më të mirë për strehim videosh krijuar enkas për WordPress. Sillini idetë tuaja në skenë dhe kurseni kohë, duke administruar videot tuaja në të njëjtën ndërfaqe me atë të sajtit tuaj. Mund të merrni dhe lini video drejt e në WordPress dhe t’i administroni te mediateka.

Videot pa reklama ofrojnë parje më të mirë

Jeni lodhur me shoqëri videosh që i dërgojnë klientët tuaj te aplikacioni i tyre për të parë video? Apo më keq, nga shfaqja e reklamave të papërshtatshme vizitorëve të sajtit tuaj? Lojtësi ynë i videove për WordPress, që mund të përshtatet, i mban njerëzit në sajtin tuaj, që projektorin e vëmendjes ta kontrolloni ju. Me VideoPress-in, mund të shmangni reklama të bezdisura, apo imponim marke lojtësi.

Strehim videosh me cilësi të lartë, të shpejta si rrufe

Hiqni qafe ndërlikimin e videove të vetëstrehuara. VideoPress ofron video plotësisht të strehuara dhe një CDN, për të garantuar shpejtësi të menjëhershme videosh për publikun tuaj anembanë rruzullit. Me infrastrukturën tonë të fuqishme dhe të qëndrueshme mund t’i jepni publikut tuaj video me lëvizje të shpejta, me 60 KPS dhe qartësi plotësisht 4K.

Një zgjidhje e plotë për video që nga Përpunuesi WordPress

Me bllokun Jetpack VideoPress, shtimi i videove te lënda juaj s’ka qenë kurrë më i lehtë. Ky mjet i fuqishëm ju lejon të futni pa mundim video drejt e nga Përpunuesi WordPress dhe vjen plot me veçori të thelluara, b.f., titra, përshkrime, kapituj, video private dhe figura afishe.

• Transmetim Adaptiv – Videot luhen më shpejt, duke përshtatur automatikisht cilësinë e videos bazuar në gjerësinë e bandës dhe madhësinë e ekranit. Parësi prapë mund të zgjedhë cilësinë që do, që nga menuja.
• Strehim i Qëndrueshëm Global dhe CDN Video-sh – Ngritur mbi infrastrukturën re të klasës botërore të WordPress.com-it, videot tuaja depozitohen në shërbyes të shumtë anembanë rruzullit, për të garantuar dhënie të shpejtë, pavarësisht se ku gjendet publiku juaj.
• Titra, Përshkrime dhe Kapituj – Thjesht ngarkoni tekst për pjesët tuaja, përmes bllokut VideoPress dhe do të shfaqen te videoja, sapo ta botoni.
• Përputhje Ngjyre Shtylle Ecurie – Shtylla e ecurisë së VideoPress-it tanimë përshtat ngjyrat e veta për t’u përputhur me skenat në videot tuaja. Kjo e bën lëndën tuaj vërtet të dalë në pah.
• Bërë optimal për celular – Kaloni nga celulari në desktop dhe anasjellta, pa humbur një grimë.
• Picture-in-picture – Nxirreni jashtë shfletuesit tuaj videon, për parje më të kollajtë.
• Hyrje të Panumërta – Po punoni me një ekip? Nuk aplikojmë çmime për vend, ndaj kushdo që punon në sajtin tuaj mund të hyjë më vete.
• Video me Cilësi të Lartë, deri në 4K – Shihni figura të kristalta në çfarëdo ekrani dhe madhësi të tij. Kemi shtuar shfaqje videosh për qartësi 1440p, 60 FPS dhe 4K të plotë.
• Video pa reklama – Mbajeni vëmendjen te lënda juaj, jo te reklama që s’i kontrolloni dot.

Zgjidhja juaj one-stop për administrim videosh

Pulti i VideoPress-it është një vend i centralizuar për të ngarkuar dhe administruar videotekën tuaj. Filtrojeni sipas vlerësimesh, ose rregullimesh privatësie, shiheni videotekën tuaj në mënyra të ndryshme dhe ngarkoni video vendore te videoteka juaj Jetpack në re.

ME 💚 NGA JETPACK