.svg){kind=link}
🌍 20°14′0″N 55°58′0″O
Oman, officieel 't Sultanoat Oman (Arabisch: سلطنة عُمان , Salṭanat ʿUmān), is e sultanoat in Zuudwest-Azië. 't Land ligt an de zuudôostkust van 't Arabisch Schiereiland. D' ippervlakte besloat 309.500 km² en der zyn 5.494.691 inweuners (2025). Den hoofdstad is Muscat.
Oman grenst an de Verênigde Arabische Emiroatn in 't nôordwestn, Saoedi-Arabië in 't westn en Jemen in 't zuudwestn. Tout 9 ogustus 1970 stound 't bekend lik Muscat en Oman. 't Land is lid van d' Arabische Liga en van de Soamnwerkiengsroad van d' Arabische Golfstoatn.
De kustlyne van Oman hèt e lengte van 1700 kilometer en lopt langst den Indischn Oceoan, d' Arabische Zêe, de Golve van Oman en via de strategisch belangryke Stroate van Hormuz noa de Perzische Golve. 't Hadjargebergte is e bergkeetn in 't nôordoostn van Oman ip oungeveer 50 tout 100 kilometer van de Golve van Oman. Musandam is e schiereiland en exclave van Oman en ligt an de Stroate van Hormuz. 't Gebied is gescheid van de reste van 't land deur de Verênigde Arabische Emiroatn.
De grotste steedn van Oman zyn:
- Muscat, 85.000 inweuners
- Suhar, 91.000
- Rustaq, 66.000
- Nizwa, 63.000
- Sur, 60.000
- Salalah, 156.530
De bevolkienge bestoat hoofdzoakelik uut Arabiern die in stammn g'organiseerd zyn. De mêerderheid in Oman makt dêel uut van de Bani Hinawi-stamme (kustbeweuners) en de Bani Ghafiri-stamme (bedoeïenn). Oungeveer 30 percent van de bevolkienge is gastarbeider. Ze kommn surtout uut Pakistan, Indië, Bangladesh, de Filipynn en Sri Lanka. Den Islam is de stoatsgodsdienst, 95% van de bevolkienge is moslim.
Oman is een absolute monarchie. De sultan voardigt al de wettn uut. 't Land hè gin groundwet, moa wel e boasiswet. Haitham bin Tariq Al Said is de sultan van Oman sedert 11 januoari 2020.
.jpg){kind=link}
| 👁 Wikimedia Commons |
Ofbeeldiengn die ier by passn ku je vien in de categorie Oman van Wikimedia Commons. |
| {{{ofb_links}}} | Landn in Azië | {{{ofb_rechts}}} | {{{ofb_groot}}} |
|---|---|---|---|
|
Afghanistan • Armenië • Azerbeidzjan • Bahreyn • Bangladesh • Bhutan • Brunei • Cambodja • China • Cyprus • Egypte • Filipynn • Georgië • Indië • Indonesië • Irak • Iran • Israël • Japan • Jemen • Jordanië • Kazachstan • Kirgizië • Koeweit • Laos • Libanon • Maldievn • Maleisië • Mongoolje • Myanmar • Nepal • Nôord-Korea • Oezbekistan • Oman • Ôost-Timor • Pakistan • Palestina • Qatar • Rusland • Saoedi-Arabië • Singapore • Sri Lanka • Syrië • Tadzjikistan • Taiwan • Thailand • Turkeye • Turkmenistan • Verênigde Arabische Emiroatn • Vietnam • Zuud-Korea |