Iste articlo ye sobre o municipio zaragozano de Ateca situato en a Comunidat de Calatayú. Ta l'auto de SEAT se veiga SEAT Ateca.

Ateca ye una villa y municipio aragonés d'a provincia de Zaragoza situato en a comarca d'a Comunidat de Calatayú y partiu chudicial de Calatayú (dica 1965 estió capital d'un partiu chudicial propio).

A suya población ye de 1.793 habitants (2018), en una superficie de 84,7km² con una densidat de población de 21,55 hab/km².

A localidat d'Ateca se situa en a ribera de Xalón y en a suya marguin ezquierda, entre a sierra d'Ateca u d'el Caballero a l'ueste y a sierra d'Armantes a l'este, en o forcallo de Xalón con o río Manubles (que desaugua part d'estas sierras), y con o río Mesa-Piedra.

A localidat d'Ateca se troba situata a 603 metros d'altaria dencima d'o livel d'a mar, a una distancia de 100 km d'a ciudat de Zaragoza, a capital d'a suya provincia y d'Aragón.

En o termin municipal d'Ateca se troban os nuclios de población actuals d'Armantes, Casas de los Catalanes, Monte Nuevo, La Sierra, San Blas y o despoblau medieval de Monegriello.^[1][2]

Seguntes bel historiador s'idenfica con l'antiga Attacon que nombró Claudio Ptolomeu en "Geographicae Enarrationis". En a epigrafía romana tamién se conoixe un Attacum con grau de MUNICIPIUM ATTACENSE que se podría identificar con l'anterior. D'estar un toponimo celtibero tendría un sufixo -acum, -ecum d'orichen celta, con xorda intervocalica conservada d'acuerdo con a fonetica aragonesa y mozarabe.

Bi ha una hipotesi toponimica diferent que la relaciona con o helenismo latín APŎTHĒCA comparando-la con Apodaca en Alaba,^[3] y con o mesmo orichen que l'aragonés apotica, botiga y bodega.

En a epoca de dominio andalusí se deciba Teca, que en arabe significa L'antiga.

Bi ha una famosa fabrica de chicolate.

En o sieglo XIV feba part d'a seixma d'el río Xalón, adintro d'a Comunidat de Calatayú.

• Ilesia de Santa María d'Ateca, una ilesia con una sola nau y un abside poligonal, que conserva una torre d'estilo mudéchar aragonés con partes d'o sieglo XIII. Bi ha un retablo d'o sieglo XVII.
• Casa d'a villa, un edificio d'o sieglo XVII.
• Castiello d'Alcocer.
• Castiello d'Ateca.
• Castiello de Torrecid (pronunciato Torrecil).

O fútbol ye representato por o Club Deportivo Ateca.

Categoría principal: Categoría:Naixius d'Ateca

• Martín d'Ateca (n.?-†1306), religioso y profesor de teolochía y filosofía.
• Florentino Azpeitia y Moros (n.1859-†1934), important naturalista.
• Rogelio Blasco Millán (1897-1969).

• 3 de febrero, sant Blas con o personache Mascareta.
• 8 de setiembre, Virchen d'a Peaina (patronals).

• 👁 Image
  Lesat (Arièja, Occitania).

• Lista de municipios de Zaragoza.
• Linia 200 d'Adif.

• 👁 Colabora en Commons
  Se veigan as imáchens de Commons sobre Ateca.
• (es) www.AytoAteca.es
• (es) www.ateca.tk
• (es) Codigo postal Ateca.