Munebrega (en castellano Munébrega) ye un municipio d'a provincia de Zaragoza (Aragón), situau en a Comunidat de Calatayú. A suya población ye de 437 habitants, en una superficie de 41km².

Dengún río trescruza o lugar, l'unico cauz ye a rambla d'o Molín.

Ya existiba un poblau celta en iste puesto clamau Munebrix (o suyo nombre celtibero yera Mundobriga), nuclio que se conservó en as epocas romana, visigoda y musulmana.

En o sieglo XIV feba part d'a seixma d'el río Ibdes, adintro d'a Comunidat de Calatayú.

Munebrega ye una clara derivación de Mundobriga. En os textos medievals escritos en latín s'escribiba Monobrega.

O molimento mas intresant ye a ilesia de Nuestra Sinyora de l'Asumpción d'estilo mudéchar y que data d'o sieglo XIV, anque en realidat nomás conserva d'ixa epoca a planta. En l'interior i hai retablos d'os sieglos XVI-XVIII.

O basal que se troba a os arredols de Munebrega se creyó fa mas de 600 anyadas.

Tamién ye intresant o Museu Parroquial a on s'exposan entre atras cosas os retratos de toz os fillos de Munebrega que tenioron puestos destacaus en a ilesia, a diplomacia u a milicia.

I hai dos ermitas en Munebrega, una adedicada a Nuestra Sinyora d'a Mar y d'a Cuesta y atra a Sant Cristofo.

• Categoría:Naixius de Munebrega

I ha habiu muitos personaches ilustres naixius de Munebrega: siet bispes, tres arcebispes, un cardenal, embaixadors de reis, escritors, pintors, un chusticia d'Aragón y o mas destacau Johan Ferrández d'Heredia, qui estió Gran Mayestre d'a Orden d'o Hespital.

• Virchen d'a Mar y d'a Cuesta, segundo domingo de mayo.
• Sant Felix y sant Inacio, 6 de setiembre.
• Sant Cristofo, 10 de chunio (romería).

• 👁 Colabora en Commons
  Se veigan as imáchens de Commons sobre Munebrega.