Formich Susano (en churro Formich, oficialment en castellano Formiche Alto) ye un municipio aragonés de la provincia de Teruel, situau en la comarca de Gúdar-Chabalambre y partiu chudicial de Teruel.^[1]

La suya población ye de 156 habitants, en una superficie de 78,17 km² y una densidat de población d'2 hab/km².

Lo toponimo Formich ye d'orichen mozarabe y deriva d'un chenitivo latín FORMICI que faría referencia a una calcina u mescla que s'emplega en construcción. Este chenitivo en -ICI palatalizó en -iche como en Villafeliche (VILLA FELICIS),^[2] sufrindo dimpués en aragonés una perda de -e final u apocope igual como en Villafelich. En 1266 ya s'escribiba Formig:

En lo sieglo XV encara s'escribiba Formich. En lo Libro del Reparo del General de 1489-1491 distinguen entre Formich Susano y Formich Iusano (chusano).

Formich Susano ye situau a 1.105 metros d'altaria dencima de lo livel d'a mar, a piet de la sierra de los Cabezos (seguntes bel autor part de la sierra de Camarena), a l'este de alto Sima y a lo sud-este de cabezo Alto, en la marguin ezquierda de lo río de Cedriellas (considerau Millars dende 1955)^[3]. Queda a una distancia de 28 km de la ciudat de Teruel, la capital de la suya provincia y partiu chudicial.

Comprende lo lugar de Formich Chusano.

En o sieglo XIV feba part d'a seixma d'el Campo de Sarrión, adintro d'a comunidat d'aldeyas de Teruel.

• Casa d'o lugar, 1629.
• Sabina Pinera.
• Ilesia de l'Asumpción, sieglo XVII.
• Puent medieval, sieglo XV.
• Ermita d'a Virchen de Loreto,1615.

• Sant Per, abril.
• Sant Roque, 15 d'agosto.
• Sant Miguel, setiembre.