Confiteor est prex poenitentialis, quae etiam inter missam dicitur.

Cuius textus, ut hodie dici solet, hic est:

Confiteor Deo omnipotenti

et vobis, fratres,

quia peccavi nimis

cogitatione, verbo, opere et omissione:

mea culpa, mea culpa, mea maxima culpa.

Ideo precor beatam Mariam semper Virginem,

omnes Angelos et Sanctos,

et vos, fratres,

orare pro me ad Dominum Deum nostrum.

Liturgia nondum post Concilium Vaticanum Secundum instaurata textus eiusdem prolixior fuerat, ut patet ex verbis cuique recensioni propriis oblique scriptis:

Confiteor Deo omnipotenti,

beatae Mariae semper Virgini,

beato Michaeli Archangelo,

beato Joanni Baptistae,

sanctis Apostolis Petro et Paulo,

omnibus Sanctis,

et vobis, fratres

quia peccavi nimis

cogitatione, verbo et opere:

mea culpa, mea culpa, mea maxima culpa.

Ideo precor beatam Mariam semper Virginem,

beatum Michaelem Archangelum,

beatum Joannem Baptistam,

sanctos Apostolos Petrum et Paulum,

omnes Sanctos,

et vos, fratres:

orare pro me ad Dominum, Deum nostrum.

• Peccavi