Xoghayaha Joogtada ah ee Wasaaradda Gaashaandhigga, Yuusuf Cali Maxamed, ayaa guddoomiyay kulan looga hadlayay xoojinta ilaalinta carruurta Soomaaliyeed iyo ka hortagga in loo adeegsado ama lagu qoro colaadaha hubeysan.

Kulanka ayaa ujeeddadiisu ahayd dardargelinta hirgelinta Mabaadi’da Vancouver, oo ah hannaan caalami ah oo loogu talagalay xoojinta tallaabooyinka looga hortagayo qorista iyo ka faa’iidaysiga carruurta inta lagu jiro colaadaha hubeysan.

Wadahadallada ayaa diiradda lagu saaray xoojinta iskaashiga u dhexeeya hay’adaha dowladda iyo bahwadaagta caalamiga ah, gaar ahaan hay’adda Save the Children, si loo horumariyo siyaasadaha iyo barnaamijyada lagu ilaalinayo xuquuqda iyo daryeelka carruurta Soomaaliyeed.