Dit artikel zou beter herschreevn zyn in 't Zwevegems.

Zwevegem is e Belgische gemêente in de provincie West-Vloandern. Buutn Zwevegem zelve liggn der nog de dêelgemêentn Êestert, Moen, Ôtegem en Sen-Nis in. Ip de grenze van Zwevegem en Moen e je nog de parochie Knokke. In 't hêle weunn der mêer dan 23.500 minsn in de gemêente.

Kyk noa Bouwkundig erfgoed in Zwevegem

Zwevegem is deursneen van de voart Bossuut-Kortryk. Vroeger gink de voart tussn Zwevegem en Moen ounder de ground: de soutring. Me de verbrêdinge vu skeepn van 1350 ton is olles uutgegroaven. D'eirde en z'ip de kant gesmeetn en ip die ôogte is nu 't Orveytbos.

Vroeger passerde de tringroute Kortryk-Ronse deur Zwevegem. 't Grôotste dêel dervan is nu e schône veloboane.

Zwevegem is vôoroal bekend deur de femilie Bekaert, ounder mêer Leo Leander, de stichter van het Bekaert concern da begoste me de fabrikoasie van stekkerdroad. Ip sommigste plekkn in Zwevegem weet je nie oa je in de fabrieke of in de gemêente stoat.

• 👁 Villa Bekaert
  
• 👁 't Oud gemêenthuus
  

Zwevegem eit drie geklasseerde meulns:

• De Stêenn Meuln of Klockemeuln wier gebouwd in 1798. Sins 1974 ist'ie eigendom van de gemêente. Het wos ne kôornmeuln. Êest ne groundzeiler, loater wierd ie verôogd en kreeg'tn alounder ne cirkelvormige ommegank. Zin zetelkapconstructie van 1890 es uniek. Allêne de butekant es gerestaureerd. 't Binnewerk bestoa nie mêer.
• Mortiers Meuln of Outie Meuln, ne stoakmeulen op vier teirliengn, met een loater bygemetseld teirlienkkot, wier verzekers round 1794 gebouwd. Et wos een groanmeulen. Het es den allerlatsten outen meulen me volledig verdekkerde wiekn (verdekkerd in 1935). De meuln es moalvoardig gerestaureerd. Dee twêe meulns liggn dicht byêen, verbonn deur de Twêemeulnstroate.
• De Meulen ter Claere, een groundzeiler, is gelegen in de dêelgemeente Sen-Nis en ligt op 't ôogste punt van de gemêente (76 meter). Ôok diene meuln marsjeert nog. Ziye noame dukt vôo 't êest ip in 1415. Den outen meulen is ofgebrand in 1848. Rond 1854 en ze op die platse de stênen meuln gebouwd.

• 👁 Klockemeuln
  
• 👁 Mortiers Meuln
  
• 👁 Meuln ter Claere
  

D'oude elletriek- en stôomcentralle droai ni me, mo onder andere de turbinezoale is geklasseerd. Ze zyn bezig om hêel de site e nieuwe bestemminge te geevn onder de noame Transfo.

In 't joar 2015 is Zwevegem 't Dorp Van de Ronde. Ti ton exact 80 joar geleen da Marcel Kint de Ronde van Vlaanderen et gewonnen.

• Marcel Kint, voormoalig coureur
• Gella Vandecaveye, judoka
• Leon A. Bekaert, industrieel
• Ann Tuts, actrice (Doortje in FC De Kampioenen)
• Michiel Devlieger
• Gerard Vanhuysse, Kunstschilder
• Familie Dewitte:
  • Jozef De Witte, vôormoalig directur van 11.11.11 en nu directur van 't "Centrum voor Gelijkheid van Kansen en voor Racismebestrijding"
  • Lodewijk De Witte, gouverneur van Vlams-Broabant