Dili kahibulong

Sa mga ulahing survey, nasuta nga ang katagbawan sa katawhan sa pagdumala ni  Presidente Marcos ug Bise Presidente Duterte sa nasud mikunhod na. Nag-una sa  rason sa kasagmuyo sa katawhan mao ang kapakyas sa administrasyon pagtubag  sa padayon g pagsaka sa presyo sa palaliton. Dili bation sa mga dagko ng opisyal  sa kagamhanan ang kapait sa kamahal sa palaliton kay hapit tanan nilang  panginahanglan libre man sa gobyerno o ba kaha sa mga pribado nila ng supporter.  Busa dili usab kita magdahum nga makahimo sila g hingpit nga sulbad sa problema  sa mga kabus nga wala nila masinati ni masabtan. Ang resulta sa survey dili  ikahibulong. Ang pangutana:  Nadutlan ba?  Fezteleern!

Malukop og pamaylo

Alang kang House Minority Leader Marcelito Libanan, dili angayan limitahan sa  kagamhanan ang pag-agni og turista ngadto sa mga langyaw lamang kon dili lakip  usab ang OFW kay napamatud-an nga mas mogasto g dako ang mga Pinoy nga  turista kon itandi sa mga langyaw atol sa ilang pagbakasyon. Katuohan ang pamahayag ni Kongresman Libanan. Kultura ug kinaiya sa Pinoy ang maghudyaka  ug mogasto sa panahon nga magkatibo ang mga kaparyentihan. Kay kon dili  mogasto ang balikbayan, mapuno siya sa libak ug pagsaway sa katilingban. Busa  dili usab ikahibulong nga sa panahon nga mobalik na pagpanarbaho ang  OFW, malukop na usab ang iyang silingan og pamaylo/pangutang aron  adunay ikapamilite. Madahaan!

Tempolary lang una

Ipadayon na sa Land Transportation Office (LTO) pagpatuman ang  No Registration, No Travel Policy  sugod sa Enero 2024. Ubos sa maong polisiya, dakpon na nga  walay warning ang mga sakyanan nga padaganon apan wala pa marehistro ug  pamultahon ang tag-iya niini og P10,000. Makapahinumdum sa driver sa  among opisina kanhi nga mibutang lang og plywood nga plaka sa iyang motor. Sa  dihang gipangutana ngano, yano ra ng mitubag nga,  TempoLary ra man  na Sir, kay wa pa man na ma-Legister.  Pagkatoytoy!

Adlaw sa panudya

Nameligro nga mawagtangan sa trabaho ang dili momenus 1 ka libo ka empleyado  sa Cebu City Hall karon nga nagsugod na ang kagamhanan pagpatuman sa   rightsizing  sa mga trabahante niini. Sinugdanan na kini sa pagpatuman sa  tumong nga sa tuig 2025, adunay 3,000 na lang unya ka empleyado ang City Hall  gikan sa kasamtangan nga 10,000 ka trabahante. Adunay evaluation sa work  performance nga pagahimoon. Kadtong mopasar magpabilin, ang mahagbong,  taktakon. Sa mga empleyado nga kandidato nga mataktak, maingon nato  nga human na alang kanila ang  takna sa pagpalandong; miabot na kanila  ang adlaw sa panudya.  Saoonz!

Maliso pa y buko

Gibalibaran ni Cebu City Mayor Michael Rama ang hangyo sa Cebu Province nga  ibalhin ang pagpahigayon sa Sinulog sa Lalawigan ngadto sa Enero 19 inay sa Enero  13 aron unta mahatagan pa g dugang higayon ang mga contingents sa  pagpangandam. Matud sa Mayor, adunay lain nga mga kalihokan nga ipahigayon  usab sa Enero 19 busa dili na kini mahimong sapawan. Ni ng pagbalibad sa  Mayor sa hangyo sa probinsya, haum ang expression sa katigulangan nga  nagkanayon,  Malis  pa y buko sa kawayan.  Muleeng!