Alloza ye un municipio aragonés d'a provincia de Teruel, situau en la comarca d'Andorra-Sierra d'Arcos^[1] y partiu chudicial d'Alcanyiz.

A suya población ye de 556 habitants en una superficie de 81,6 km², con una densidat de población de 6,81 hab/km².

Alloza ye en una fondonada, situada a 668 metros d'altaria dencima d'o livel d'a mar, a una distancia de 137 km d'a ciudat de Teruel, a capital d'a suya provincia, y a 100km de Zaragoza, la capital d'Aragón.

Bi ha un chacimiento iberico important, dito El castelillo, datau en o sieglo VI aC.

En o sieglo XV perteneixeba a la Orden de Calatrava.^[2]

En 1835 troboron refuchio en Alloza los carlistas Cabrera y Carnicer, y un anyo dimpués en Alloza bi habió una batalla entre liberals y carlistas.

Actualment en Alloza, como en toda la comarca d'Andorra-Sierra d'Arcos se charra lo castellano rechional d'Aragón, con substrato lingüistico provinient de l'aragonés que se charraba en la val michana de l'Ebro y a piet de lo Sistema Iberico teruelano.

La parla allozana mantién muito lexico aragonés igual que en toz os lugars d'o Baixo Aragón, repuis de imperfectos en -iba, y pronombre adverbial en, pero destaca porque ye lo solo lugar d'o Baixo Aragón que l'Atlas linguistico de Aragón, Navarra y Rioja rechistra segundas personas en los pasaus perfectos simples en -es: bailés, cantés (esto se rechistra en atros lugars baixoaragoneses pero no ye tan vital por lo que este atlas no lo rechista fuera d'Alloza). Existe una replega lexica feita por Arturo Fernández Cáncer y un estudio mas recient.

O nombre Alloza pareixe arabe y significaría L'almendrera.^[3]

Bi ha microtoponimos en aragonés como barranco la Piniella con l'augua esbarrada y canalizada por un gallipuent encara dito asinas (tanto pronunciau en aragonés orichinal en gallipuén como castellanizau con -e galllipuente). Bi ha una muela dita Los Montalbos, y bel nombre de partida: foya Navarro, foya Redonda y Cinglas. En lo mesmo lugar d'Alloza bi ha una carrera dita Carralafuén en dirección a lo calvario.

Lo toponimo Castelillo, a on que bi ha un poblau ibero, ye asaber-lo d'interesant porque conserva lo sufixo -ello no castellanizau ta -ejo. En atros puestos a forma orichinal aragonesa tipo *Castellello u Castellillo < *castellu + iculu(m), relacionada con chacimientos arqueolochicos u poblaus ibers, s'ha castellanizau como Castillejo, como en Castillejo de la Romana.

Categoría principal: Naixius d'Alloza.

• Joaquín Carbonell Martí, cantaire.

• 3 de febrero, Sant Blas.
• 13-16 de setiembre, fiestas patronals.

• (es) Jose Antonio Benavente et al.: Obras hidráulicas del Bajo Aragón. Prames. 2008.

• 👁 Colabora en Commons
  Se veigan as imáchens de Commons sobre Alloza.