Arinyo (en castellano Ariño) ye un municipio de la provincia de Teruel (Aragón), situata en la comarca d'Andorra-Sierra d'Arcos. La suya población ye de 605 habitants en una superficie de 75,5km² y una densidat de población de 8,01 hab/km².

En o suyo termín municipal ye situato o museu paleontolochico Valcaria, que fa parti d'o ret de museus Territorio Dinopolis.

Ye situada en o forcallo d'os ríos Martín y Escuriza, en o semontano d'a Sierra d'Arcos. O casco urbano ye ficau en a costera d'o tozal, manimientres que o poblato menero ye ficau a man d'a carretera.

Como en los vecins Albalat de l'Arcebispe y Andorra a chent viella naixita d'Arinyo debe mantener muitos aragonesismos, manimenos no bi ha res de publicato que un curto mensache en un numero d'a revista Orache d'a decada de 1980.^[1]

Arinyo ye la evolución de lo latín ARENEUM d'alcuerdo con la fonetica aragonesa y con lo sufixo aragonés -inyo. La palabra arinyo se troba en atras parz d'Aragón. Agustín Ubieto Arteta cita un lugar desapareixito en los Monegros a man de Sesa dito Arinyo, que debe corresponder a la pardina que Antonio Ubieto Arteta situa en Blecua. Bi ha un "Barranco de los Arinyos" afluent de la Cinca a man de Lo Grau. Arinyo ye lo cognato de lo catalán Areny, (como en Arenys de Lledó y en Areny de Noguera, que se castellanizan y s'aragonesizan como Arens y Arén). L'apellito Arinyo ye muito común en lo Baixo Aragón, pero no provién necesariament d'este lugar.

• Ilesia de lo Salvador. A suya torre, d'estilo barroco de lo sieglo XVIII, ye protechita legalment dende 2001 con la suya declaración como Bien d'Intrés Cultural.

• (es) Web sobre la Semana Santa d'Arinyo.
• Diccionario d'Arinyo