Rashomon(羅生門,Rashōmon^?) é un filme xaponés dirixido por Akira Kurosawa que se estreou en 1950. Está protagonizado por Toshiro Mifune, Masayuki Mori, Machiko Kyō e Takashi Shimura.

O filme é coñecido polo seu argumento que envolve a varios personaxes que dan versións diferentes dun mesmo suceso; a súa base é o relato "Yabu no naka" de Ryūnosuke Akutagawa^[1] e o nome do filme refírese á enorme porta da cidade de Kyoto.

Rashomon marcou a entrada da cinematografía xaponesa na escena internacional^[2] e gañou premios como o León de Ouro no Festival de Venecia en 1951 e un Óscar honorífico en 1952.

O Xapón do século XII. En Kyoto, baixo as portas do derruído templo de Rashomon, gorécense da torrencial choiva un leñador, un sacerdote budista e un peregrino. Os tres discuten sobre o xuízo a un bandido, acusado de dar morte a un señor feudal e violar á súa esposa. Os detalles do crime son narrados dende o punto de vista do bandido, da muller, do señor feudal -coa axuda dun médium- e do leñador, única testemuña dos feitos.

• Toshiro Mifune como Tajomaru, o bandido
• Masayuki Mori como Tashehiro, o samurai
• Takashi Shimura como O leñador
• Machiko Kyō como Masago, a esposa
• Daisuke Kato como O policía
• Fumiko Honma como A bruxa

• 1951: Óscar ó mellor filme en lingua non inglesa
• 1952: Nomeado ó Oscar: Mellor dirección artística (Branco e Negro).
• 1951: Festival de Venecia: León de Ouro.
• 1951: Círculo de críticos de Nova York: Nomeado a Mellor filme estranxeiro.
• 1952: Premios BAFTA: Nomeado a mellor filme.