Colorado (jendźelsce Lua-zmylk w package.lua, w lince 80: module 'Module:IPA/data' not found. abo Lua-zmylk w package.lua, w lince 80: module 'Module:IPA/data' not found.) je US-ameriski zwjazkowy stat, kotryž leži na srjedźnym zapadźe kraja. Ma něhdźe pjeć milionow wobydlerjow na přestrjeni wot 269.000 km². Stolica a najwjetše město je Denver, w kotrehož wokolinje je połojca wobydlerstwa žiwa. Dalšej wuznamnej měsće stej Colorado Springs (416.000 wobydlerjow) a Fort Collins (144.000). Swoje mjeno dósta w lěće 1876 załoženy stat wot rěki Colorado River.

Stat mjezuje z Wyomingom na sewjeru, Nebrasku na sewjerowuchodźe, z Kansasom na wuchodźe, Oklahomu na samym juhowuchodźe, z New Mexico na juhu a z Utah na zapadźe. Leži w Rocky Mountains a je z přerěznej wysokosću wot 2073 metrow najwyše ležacy zwjazkowy stat. Najwyši dypk je Mount Elbert (4402 m).

Colorado přiwza so dnja 1. awgusta 1876 – sto lět po njewotwisnosći Zjednoćenych statow – jako 38. stat do unije a ma tohodla přimjeno „Centennial state“ („Lětstotkowy stat“).

W lěće 2000 měješe 85% wobydlerstwa jendźelšćinu za maćeršćinu, druha najwažniša rěč bě španišćina.

• 👁 Elk Mountains blisko Aspen
  
  Elk Mountains blisko Aspen
• 👁 Na suchej wysočinje w juhowuchodnym Coloradźe
  
  Na suchej wysočinje w juhowuchodnym Coloradźe
• 👁 Blisko města Grand Junction
  
  Blisko města Grand Junction
• 👁 World Trade Center w Denverje
  
  World Trade Center w Denverje
• 👁 Chěžki prawobydlerjow w Mesa Verde
  
  Chěžki prawobydlerjow w Mesa Verde

1. ↑ United States Census Bureau: Trochowanja za 2015 (jendź.)

• Oficielne webstrony (jendź.)