Ohio (Lua-zmylk w package.lua, w lince 80: module 'Module:IPA/data' not found.) je US-ameriski zwjazkowy stat, kotryž leži w srjedźnym zapadźe mjez Erieskim jězorom na sewjeru a Appalachami na juhu. Ma nimale dwanaće milionow wobydlerjow na 116.000 km² a je tuž po wobydlerstwje jedyn z wjetšich statow. Stolica a zdobom najwjetše město je Columbus z nimale 800.000 wobydlerjemi, dalše wulkoměsta su Cleveland (400.000), Cincinnati (300.000) a Toledo (290.000). Mjeno Ohio pochadźa z rěče Irokezow a woznamjenja wulka rěka. Wone poćahuje so na rěku Ohio River, kotraž twori južnu hranicu stata.

Stat mjezuje přez Erieski jězor z Kanadu na sewjeru, z Pennsylvaniju na sewjerowuchodźe, z Zapadnej Virginiju na juhowuchodźe, z Kentuckyjom na juhu, Indianu na zapadźe a Michiganom na sewjerozapadźe.

Ohio přiwza so dnja 1. měrca 1803 jako 17. stat do unije a ma přimjeno The Buckeye State (buckeye tree = Ohioski jěrowc).

27% wobydlerstwa maja němskich prjedownikow, 14% irskich a 9% jendźelskich.

• 👁 W stolicy Columbus
  
  W stolicy Columbus
• 👁 Cleveland
  
  Cleveland
• 👁 Statny kapitol w stolicy
  
  Statny kapitol w stolicy
• 👁 Powitanska tafla při statnej hranicy
  
  Powitanska tafla při statnej hranicy

1. ↑ United States Census Bureau: Trochowanja za 2015 (jendź.)

• Oficielne webstrony (jendź.)