Rumunska (rumunsce România) je njewotwisny stat w juhowuchodnym dźělu Europy. Jeje susodźa su Ukraina a Moldawska na sewjerowuchodźe, Madźarska na sewjerozapadźe, Serbiska na zapadźe a Bołharska na juhu. Wuchodne brjohi kraja wobdawaja wody Čorneho morja.

Stolica a najwjetše město je Bukarest. Najwjetša rěka je Dunaj.

Dźensniša Rumunska wobsteji z historiskich krajow Sedmihródska, Walachiska a Moldawiska, kotrež buchu po Prěnjej swětowej wójnje zjednoćene. Rumunska je dźěl Europskeje unije, nic pak Schengenskeho ruma.

Narodnostne skupiny (2002):

• Rumunojo 89,5%
• Madźarojo 6,6%
• Roma 2,5%
• Ukrainjenjo 0,3%
• Němcy (lud) 0,3%
• Rusojo 0,2%
• Turkojo 0,2%
• dalši 0,4%

W kónčinje Banat, na zapadźe kraja, je tež małe čěske zhromadźenstwo žiwe. Tam su žiwi tež Słowacy (někak 20 000; w měsće Nădlac je słowakski gymnazij, hdźež tež čěscy šulerjo wuknu).

1. ↑ CIA World Factbook: Trochowanje za 2015