Báišduoddara bálgosis dutket dáhpáhusa, mii guoská bohccuid mearkkaid rievdadeami. Lappi boles nanne, ahte sidjiide lea boahtán álmmuhus áššis, muitala bajit rihkuskonstabel Esa Harju.
– Boles dutká ášši boazodollui laktaseaddji roavva suolavuohtan, lohká Esa Harju.
Yle Sámi dieđuid mielde mearkkaid leat rievdadan nu Suoma go Norgga beale bohccuin. Dán dieđu boles ii leat vel nannen.
Boles dieđiha áššis maŋŋelabbos, muitala Harju.
Yle Sápmi ii fáhten Báišduoddara bálgosa boazoisida gitta.