Vuossárgga lea álgán viiddes nuoraid deaivvadeapmi Gávnnadeapmi 3 Ohcejogas. Dohko leat čoahkkanan sámenuorat miehtá Sámi deaivvadit ja ovttastallat. Dáhpáhusa ordne Sámiráđđi.
Elle Rávdná Näkkäläjärvi Guovdageainnus leamaš mielde bargojoavkkus, mii lea plánen dáhpáhusa ja dan prográmma. Son jáhkká, ahte nuoraide šaddá buorre vejolašvuohta oahpásmuvvat nuppiide ja maid ságastallat boahttevuođas.
Näkkäläjärvi: Nuorat besset deaivvadit ja ságastallat boahttevuođas
Ohcejohkalaš Senja Aikio mielas lea somá, ahte viimmatge Ohcejogas dáhpáhuvvá.
Senja Aikio illuda go Ohcejogas dáhpáhuvvá
Juhán Nikolaus Wuolab Wollberg hálida maid oahpásmuvvat eará guovllu sámenuoraide. Eanemus son lea vuordán, ahte beassá cegget lávu ja lávostallat.
Wuolab Wollberg vuordá eanemus lávu ceggema