Stáhtaráđđi lea mearridan rahpat luossabivdovejolašvuođa Deanu oalgejogain Ohcejogas ja Veahčajogas. Bivdu lea ráddjejuvvon guovtti jándorii 1.–3.7.
Sálašin lea lohpi váldit ovtta ditti. Diddi lea vuollel 65 sentemehtera guhkes luossa. Stuorit luosat galget luitojuvvot ruovttoluotta johkii.
Stáhtaráđđi dohkkehii duorastaga 21.5.2026 stáhtaráđi ásahusa, mii guoská Deanu oalgečáziid. Ásahus dievasmahttá Deanu čázádaga eará guolástanmearrádusaid nohkki jahkái 2026. Ásahus boahtá fápmui geassemánu 1. beaivvi.
Eanan- ja meahccedoalloministeriija muittuha, ahte Deanu čázádaga luossanálit leat hui heajut ja danin lea dehálaš, ahte olbmot bivdet eará guollešlájaid go luosa.
Diibmá bivdolohpi lei golbma jándora Ohcejohkii. Sálašdieđuid mielde diibmá godde 35 luosa.
Ieš Deanus luossabivdu gildojuvvo dán geasi. Suoma ja Norgga oktasaš ráđđádallamiin oidne, ahte luossabivddu ii sáhte rahpat, go luossanálit leat rašes dilis.
Deanus ii leat leamaš lohpi bivdit luosa geasi 2020 rájes.
Boahtte gease buggeluosat eai árvaleami mielde goarkŋo Detnui. Vejolaš Detnui gorgŋon buggeluosaid oažžu goit bivdit.