Dutki Ánde Somby lea barggus dihte gártan johtit olu miehtá máilmmi. Son bargá Tromssa universitehtas ja lea maid johtán juoigamin jo 16-jahkásačča rájes.

Somby lea oahppan doallat fárus goit guoddáolggoža ja áibmobolstara, go lea jođášan máilmmi duohkut deike.

– Mus lea dakkár unna bolsttaraš, man sáhtán bossut. Jus šaddá guhkes maŋŋoneapmi girdis, de lea mus dakkár, man ala sáhtán velledit.

Son láve maid váldit fárrui doarvái molssabiktasiid, jus geavvá bárti vaikko gáffegohpain, ja maiddái vehá nisttiid dego nihtiid.

– Niehtit eai váldde olu saji, dat lea geahppas ja dain lea olu biebmu, logahallá Somby.

Dehálamos ráva earáide, geat jurddašit dál mátkkoštit olgoriikkain, lea goittot dat, ahte dáid eahpesihkkaris áiggiin, gánniha čuovvut ođđasiid.

– Mun gal láven čuovvut sihke máilmmi dili ja ahte mo girdifitnodagat rievdadit eavttuid, ahte ovdamearkka dihte man stuorra giehtamátkedávvir sáhttá leat, čilge Somby.