Aussun (Ossun en francés) qu'ei ua comuna gascona situada dens eth departament deths Hauts Pirenèus dera region administrativa d'Occitània, ancianament de Miègjorn-Pirenèus.

Era prononciacion qu'ei [aw'su] (grafia fonetica deths autors). Eras fòrmas ancianas que son: Raymundus de Ossu en 1095, in Ossuno, en latin, cap a 1110, A Ossu cap a 1200-1230, de Ossum[?], Ramundus de Ossu, de Ossuno, en latin, en 1248, en Aramon d'Ossuu en 1283, De Ossuno, en latin, en 1313 e 1342, Ossun en 1384, Ossun en 1429, Ossun (mapa de Cassini, ara fin deth sègle XVIII)^[1].

Dauzat e Negre an pas hornit d'explicacion. Pr'amor d'un important oppidum gallic, R. Aymard que prepausa uxodunum^[1].

Segon Miquèu Grosclaude, era proposicion d'Aymard qu'ei «incongrua» (ditz pas perqué). Era abséncia de tot arriu important empacha de supausar un nom de tipe Ossa. Que's pòt conjecturar un sufixe «basco-aquitan» kun/gun (sovent redusit a -un), qui sembla d'aver per sens «lòc, terren favorable a» (Cf. X. Ravier). Eth radicau que pòt estar eth nom latin d'òmi Ursus, mes un nom latin que sembla tròp tardiu per un sufixe «basco-aquitan» [en Gasconha, Grosclaude que plaça eth basco abans eth latin]. Donc eth nom que vien benlhèu deth nom basco de persona Otxo, «lop», vienut nom de persona, gasconizat en Osso. Shens certitud, Aussun que vieneré deth nom basco d'òmi Otxo dab eth sufixe aquitan -un^[1]. Un nom de persona s'acòrda pas dab un tau sufixe.

• En 2018 era populacion qu'èra de 2372 abitants e era densitat qu'èra de 85,97 ab/km².

• Comunas deths Hauts Pirenèus

1. 1 2 3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=1166&titre=ossun

• 👁 Portau de Gasconha
  Portau de Gasconha