Lobajac (Loubajac en francés) qu'ei ua comuna gascona de Bigòrra situada dens eth departament deths Hauts Pirenèus e era region d'Occitània, ancianament de Mieidia-Pirenèus.

Era prononciacion qu'ei [louba'yak] (grafia fonetica deths autors). Eras fòrmas ancianas que son: in Logajaco, en latin, cap a 1060, Willelmo Carolo de Logajag, cap a 1078, A Logayag cap a 1200-1230, De Logayaco, en latin, en 1313, De Lugayaco, en latin, en 1342, de Lobayaco, en latin, en 1379, Logayac en 1429, Lobayac en 1541, Loubajac (mapa de Cassini, ara fin deth sègle XVIII)^[1].

Segon Dauzat e Negre, Lobajac que vien deth nom latin d'òmi *Lupidius, de Lupus, «lop», dab eth sufixe -acum^[2],[1]. Implicitament, eths autors que supausan un passatge de -be- a -ba-, pas extraordinari dens ua sillaba pretonica.

Miquèu Grosclaude que considèra Lupidius pòt pas miar a Lobajac. De mei, que pensa, com Berganton (Le dérivé du nom individuel au Moyen-Age en Béarn et Bigorre, p. 245)., Logajac ei la fòrma primitiva. A Marçós, Lop Gassan que vienó Loguasan; que's pòt donc supausar eth passatge Lop Gayac > Logajac > Lobajac, per atraccion deth nom de persona Bayac / Bajac^[1].

• En 2018 era populacion qu'èra de 413 abitants e era densitat qu'èra de 63,05 ab/km².

• Comunas deths Hauts Pirenèus

1. 1 2 3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=1106&titre=loubajac
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 413

• 👁 Portau de Gasconha
  Portau de Gasconha