Mun (Mun en francés) qu'ei ua comuna gascona de Bigòrra situada dens lo departament deus Hauts Pirenèus e la region d'Occitània, ancianament de Mieidia-Pirenèus.

La prononciacion qu'ei [munn] (grafia fonetica deus autors). Las fòrmas ancianas que son: Austor de Mun en 1209 e 1217, Bernardus de Muno, en latin, en 1300, De Munio, en latin, en 1300, en 1342 e en 1379, De Mun en 1313, Mun en 1429, Mun (mapa de Cassini, a la fin deu sègle XVIII)^[1].

Segon Negre, Mun que vien deu gascon mun, «guit»^[1]!

R. Aymard que precisa Mun e la soa mòta son sus un poi caracterizat, donc benlhèu lo nom que vien deu basco munho, «montet»; pr'aquò lo patronime Mun qu'ei pro espandit.

Segon Miquèu Grosclaude, la suggestion de Negre, tirada deu diccionari Palay, qu'ei a escartar. Duas possibilitats que demòran: 1) lo basco munho, «petit mont», propausat per Coromines, puish per Aymard; 2) un nom pirenenc de persona Mun, probablament d'origina «bascoaquitana» (cf. Berganton, p. 246). La posicion de Mun sus un poi que hè meilèu preferir la prumèra solucion, pr'aquò shens pròvas^[1].

• En 2018 la populacion qu'èra de 95 abitants e la densitat qu'èra de 19,75 ab/km².

• Comunas deths Hauts Pirenèus

1. 1 2 3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=1148&titre=mun

• 👁 Portau de Gasconha
  Portau de Gasconha