Espielh (Espieilh en francés) qu'ei ua comuna d'Occitània, en Gasconha, situada dens eth departament deths Hauts Pirenèus dera region d'Occitània, ancianament de Mieidia-Pirenèus.

Era prononciacion qu'ei [és'pyély] (grafia fonetica deths autors). Eras fòrmas ancianas que son: d'Esphel, en 1300, De Aspielh en 1313, De Aspieilh en 1342, de Aspilh, en 1379, Aspieilh en 1760, Espieilhs (mapa de Cassini, ara fin deth sègle XVIII)^[1].

Segon Dauzat, Espielh que vien deth ancian occitan espelhs, «gaita», ath sens pròpri «miralh»^[2]. R. Aymard qu'en hè ua gaita; que seré un derivat d'espiar^[1] [mot qui deriva deth francic *spehôn].

Segon Miquèu Grosclaude, eth nom a pas arren a véder dab eras espinas: spinellum miaré en lengadocian a espinèl, en gascon a espinèth, non pas espielh); eth latin speculum, «miralh e per extension, lòc on la vista s'estén luenh» que pòt miar a espelh, puish era atraccion de espiar que mia a espielh^[1].

• En 2018 era populacion qu'èra de 26 abitants e era densitat qu'èra de 12,26 ab/km².

• Comunas deths Hauts Pirenèus

1. 1 2 3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=852&titre=espieilh
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 272

• 👁 Portau de Gasconha
  Portau de Gasconha