Burc (Burg en francés) qu'ei ua comuna gascona de Bigòrra situada dens eth departament deths Hauts Pirenèus e era region d'Occitània, ancianament de Mieidia-Pirenèus.

Era prononciacion qu'ei [burr] (grafia fonetica deths autors). Eras fòrmas ancianas que son: De Burx, en 1313, De Burgo, en latin, en 1342 e 1379, Burx en 1389, Burcx en 1429, Burg (mapa de Cassini, ara fin deth sègle XVIII), Burc en 1790, Burg en 1790^[1].

Segon Dauzat, Burg que vien deth baslatin burgus, «borg, lòc fortificat», mot d'origina germanica^[2]. Segon Negre, Burg que vien benlèu deth gascon burg, «clòt, petita espeluga» (hornit d'après Palay). Segon R. Aymard, ua hortalessa poderosa que s'i trobava; aquò's aquò eth burc o borc, pas ua cavitat^[1].

Segon Miquèu Grosclaude, que's ved pas perqué burgus auré miat a Burg dens aqueth cas e borg dens tots los autes en gascon. Las indicacions de Palay qu'an ua valor toponimica quasiment nulla. Que vau mei gardar era conclusion de Boisgontier «Era explicacion per eth latin burgus, «borg, lòc fortificat» que deu estar escartada. Burg ei pas Borg e ac a jamei estat». Eth nom qu'ei escur^[1].

• En 2018 era populacion qu'èra de 279 abitants e era densitat qu'èra de 22,21 ab/km².

• Comunas deths Hauts Pirenèus

1. 1 2 3 Michel Grosclaude et Jean-François Le Nail, Dictionnaire toponymique des communes des Hautes-Pyrénées intégrant les travaux de Jacques Boisgontier, Conseil Général des Hautes-Pyrénées, 2000 https://www.archivesenligne65.fr/article.php?laref=974&titre=burg
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 96, a Borcq

• 👁 Portau de Gasconha
  Portau de Gasconha