Bunhenh (Bugnein en francés) qu'ei ua comuna bearnesa administrada peu departament deus Pirenèus Atlantics de la region de Navèra Aquitània, ancianament d'Aquitània.

La prononciacion qu'ei [by'ɲeɲ]. Las fòrmas ancianas que son Bugneng en 1282 e 1286, Bunhen au sègle XIIIau, Bugnhenh en 1334, Vunhenh en 1385, Bunhenh en 1396, Bunheng au sègle XIVau, Bunhenh en 1539, Bunienh en 1546, Bugneng en 1608, Buneinh en 1612, Bugnein (mapa de Cassini, a la fin deu sègle XVIIIau) ^[1].

Segon Dauzat, Bunhenh que vien deu nom germanic d'òmi Buno dab lo sufixe germanic -ing ^[2].

Miquèu Grosclaude que pensa a l'arrasic oronimica basca buno, varianta de muno/muño, «tap, turon, sèrra». Mès lo borg qu'ei dens l'arribèra deu Gave d'Auloron, donc un tèma oronimic qu'ei improbable e, d'auta part, lo sufixe -enh, qui ei pas germanic, que s'ajusta a radicaus antroponimics. Se Bunius, latinizacion deu germanic Buno, èra present dens la region, que seré ua solucion ^[1].

• Comunas deus Pirenèus Atlantics

1. 1 2 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 237-238
2. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 123

• 👁 Portau de Bearn
  Portau de Bearn