Vaths de Bearn^[1] (Baigts-de-Béarn en francés) qu'ei ua comuna bearnesa deu canton d'Ortès. Qu'ei administrada peu departament deus Pirenèus Atlantics e la region de Navèra Aquitània, ancianament d'Aquitània.

La prononciacion qu'ei [batʃ]. Las fòrmas ancianas que son Baigs au sègle XIIIau, Baigx en 1318, Bags en 1343, Bachs en 1505, Batz cap a 1540, Vagtz en 1548, Baitz en 1582, Baigts (mapa de Cassini, a la fin deu sègle XVIIIau) ^[2].

Segon Dauzat, Vaths qu'ei la fòrma gascona deu latin vallis, medish sens ^[3].

Miquèu Grosclaude qu'arrefusa e completa l'explicacion deu Dauzat. Prumèrament lo nom qu'ei au plurau, pr'amor de la prononciacion [batʃ] e non dab un t palatalizat com au singular, segon la prononciacion locau. Segondament, se ved pas perqué lo nom seré «las vaths», d'abòrd n'i a pas qu'ua, la deu Gave de Pau; lo quite sens «la vath» que seré improbable, perqué lo lòc ei pas mei dens la vath que los autes. Que i a duas etimologias:

• vallis qui a per sens «vath», mès tanben «cròs, en.honsament»;
• vallum, «palissada, fortificacion».

La significacion de vath qu'ei la sola improbabla ^[2].

• En 2019 la populacion qu'èra de 865 abitants.

• Comunas deus Pirenèus Atlantics

1. ↑ Toponimia Occitana (Institut d'Estudis Occitans): IEO_BdTopoc: http://bdtopoc.org
2. 1 2 Michel Grosclaude, Dictionnaire toponymique des communes du Béarn, Escòla Gaston Febus, 1991, p. 292-293
3. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 46

• 👁 Portau de Bearn
  Portau de Bearn