Argelosa^[1],[2] (Argelouse en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

La comuna que hè partida deu Parc naturau regionau de las Lanas de Gasconha situat dens la Forest de las Lanas.

Las fòrmas ancianas que son Sanctus Laurentius de Argelosse, en latin, aus sègles XI-XII, par. Sancti Andree de Argelosa, en latin, en 1274, d'Argelosa, en latin, en 1274, d'Argelose, en 1280, Argelause, mapa de 1647, Argelouse, mapa deu sègle XVII, etc. La prononciacion qu'ei [arʒə'luzə] ^[3].

Dauzat que deisha a causir entre lo latin argilla, «argela», e benlèu, segon Seguí, argelàs, «toja», de l'arabe al-djaulak ^[4]. Mès, que i a autes mots dens aquera partida deu gascon per la planta. Bénédicte Boyrie-Fénié que causeish l'argela, justificada per la preséncia de teulèras a l'entorn. Lo sufixe latin -osa qu'a probablament remplaçat lo sufixe aquitanic -otze ^[5]. La suposicion que's sostien pr'amor deus Argelòs de Shalòssa e de Bearn, mei que per las fòrmas medievalas, qui donan pas lo timbre de o.

• Avant la refòrma cantonala de 2014, aplicada en 2015, la comuna qu'èra deu canton de Sòra; qu'ei adara deu canton de Hauta Lana Armanhac (burèu centralizator Labrit).

• Comunas de las Lanas

• Argelosa sus lo sit de l'Institut Geografic Nacionau
• Argelosa sus lo sit de l'Insee

1. ↑ Sit Toponimia occitana
2. ↑ Top'Òc Diccionari toponimic occitan del Congrès permanent de la lenga occitana.
3. ↑ Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 38-39
4. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 26
5. ↑ Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 39

• 👁 Portau de Gasconha
  Portau de Gasconha