La Luca^[1] (Laluque en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

La prononciacion qu'ei [lə'lykə]. Las fòrmas ancianas que son Sanctus Johannes de Luke, aus sègles XI-XII, de la Luca, en latin, en 1242, La Luca, en latin, en 1253, Vitalis de Luca, en latin, en 1276, La Luke en 1280, Laluque (mapa de 1638), La Luque (mapas de 1647 e de 1714), Laluque (mapa de 1733) ^[2].

Dauzat, Negre e Astor, los dus darrèrs citats per Bénédicte Boyrie-Fénié, qu'i veden lo gascon (meilèu arcaïc) luga, varianta femenina de luc, « bòsc», eretèr deu latin lucus, «bòsc sacrat» ^[3],[2].

Bénédicte Boyrie-Fénié que pòt acceptar lo sens donat peus precedents toponimistas e la conservacion de la sorda a l'intervocalica ei possibla dens lo sud de las Lanas (la luca e non pas la luga), mès un femenin de luc es improbable perqué lo mot es pas gaire present localament; en Gironda, a Portèths, que'u tròban pas qu'au plurau (Las Lucas). Bénédicte Boyrie-Fénié qu'aima mei ua auta origina, lo mot luca, «pòste de gaita, arquèra, balestèra dens un mur» (diccionari Palai, p. 627); de mei, que i a a costat lo riu de l'Arquièr e lo lòc Las Guardèras. Lo nom es d'origina dialectala ^[2].

• Comunas de las Lanas

1. ↑ http://www.institutoccitan.com/index.php?option=com_content&task=view&id=166&Itemid=0&lang=oc
2. 1 2 3 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 126-127
3. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 380

• 👁 Portau de Gasconha
  Portau de Gasconha