Vath Longa^[1] per Vailonca (Beylongue en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.

La prononciacion qu'ei [bɛj'luŋkə]. Las fòrmas ancianas que son Sanctus Petrus de Baielonke aus sègles XI-XII, Bailonque (mapas de 1638 e 1647), Bailongue (mapa de 1714), Baylongue (mapa de 1733) ^[2].

Dauzat qu'i ved videt longe «que ved luenh» estant lo borg sus ua tuqueta ^[3].

Bénédicte Boyrie-Fénié qu'arrefusa la proposicion de Dauzat perqué los toponimes d'aquera sòrta qu'an lo vèrbe a l'infinitiu. Jacques Boisgontier que prepausa un etime vath lonca per'mor d'ua mencion Vallelonga de 1509. Segon Boisgontier, Vath lonca que pòt passar a Vai lonca: vocalizacion de -t palatau davant -l, com Bètlòc prononciat [baj'lɔk], puei passatge normau de [aj] a [ɛj]; la vath en question qu'ei, totjorn segon Boisgontier, ua vath seca, mei bassa de 20 m, situada au nòrd deu borg e que's ved despuish aqueste. Aquera explicacion qu'ei mei solida que la de J.B. Orpustan, *baia longa «riu long». La grafia prepausada per Bénédicte Boyrie-Fénié, *Vath Longa ^[2], permet pas, per la prumèra sillaba, de léger lo nom shens mòde d'emplec e arrefusa la precision necessària, regulara ortograficament, de l'assordiment de g.

• Comunas de las Lanas

1. ↑ http://www.institutoccitan.com/index.php?option=com_content&task=view&id=166&Itemid=0&lang=oc
2. 1 2 Bénédicte Boyrie-Fénié, Dictionnaire toponymique des communes. Landes et Bas-Adour, ed. Institut occitan e CAIRN, Pau, 2005, p. 60
3. ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 81

• 👁 Portau de Gasconha
  Portau de Gasconha